benci lupa

memulai sesuatu yang baru. Berusaha menggenapkan harapan, menjalankan serangkaian rencana. Sebagian tampak mudah, sebagian yang lain cukup menyulitkan. Tak apalah, rintangan itu pastilah bumbu, perasa yang akan membuat pencapaian nanti menjadi sempurna.
Yang kutakutkan adalah jika ada sesuatu yang aku lupakan; sesuatu yang tidak terduga yang belum kupersiapkan. Aku yakin, aku tak pernah membenci kegagalan. Kegagalan bagiku adalah harta yang terabaikan. Seribu kali gagal adalah seribu jalan menuju keberhasilan. Dan tak ada kegagalan yang pernah mengalahkanku.
Tetapi, aku tetap benci menjadi pelupa. Aku benci menjadi orang dengan pikiran yang dangkal. Aku benci menghadapi sesuatu yang di luar rencana. Kecuali rencanaNya.

Rarancang Kahayang

Wilujeng sumping, Haura...

Kahayang mah da puguh geus ti baheula, hayang boga iiuhan. Cape oge asana mah ngontrak  wae teh, cape hate. Sanajan can rumasa geus cukup bahan pikeun ngadegkeunana, lahaola bulan hareup rek mimiti ngali pondasi. Da niat ceuk rarasaan mah alus, susuganan bari laju nu masang batu aya rijki si cikal (nu ayeuna teuing di mana…)

Venus, lain Mars

Harita basa sarangenge teu daek wae medal. Tuturubun Urang Venus muru Urang Mars nu keur anteng nguntun janggotna.

“$Iw&^%) FDFS&%@#$^&^#$ 7fh h=-06″ ceuk Urang Venus.
Urang Mars ngajawab “b7aw uawhb%%&^732gh gys65jf”
“$Iw&^%) bhusf8 767serlh *(.>uzsd ” deui ceuk Urang Venus
 ”b7aw uawhb%%&^732gh gys65jf” ceuk Urang Mars.
“sdfahh ytsd78(*h jhzsduty*( huhsxdfu*& usdfu *(&*sadguig &*(huighzsdf kjxhiufg 8)(UOPW#^US &T&%EFOK DXu8 IIUSDYu8989uiuj JIsdf8″ ceuk Urang Mars, sorana leuwih tarik batan mimiti.

Siga nu keur pakeukeuh-keukeuh, ngan teuing badami soal naon. Moal boa maranehna teh keur badami soal banjir, soal kampanyeu, atawa soal harga BBM. Nu puguh mah guneman harita bakal lumangsung lila, lila pisan, geus mangabad-abad nepi ka ayeuna jeung teuing rek nepi ka abad ka sabaraha, da bieu oge can anggeus. Moal boa deuih matak lila jeung teu anggeus-anggeus teh duanana pada-pada teu ngarti kana omongan sewang-sewang, nu hiji ngedalkeun karesepna kana comro haneut jieunan planet Venus ari nu hijina deui ngomongkeun perkedel tempe asli Mars. Ari uing mah da geus jelas teu ngarti, alusna uing teh ngadongeng Sakadang Peuteuy jeung Hulu Peda wae kitu nyah?

Boa kaduhung kitu ?

Maksudna naon cenah éta téh?

Boa kaduhung kitu ? Kaduhung pédah uing pamajikanana, atawa kaduhung boga pamajikan nu pasipatannana matak nambahan rereged hirupna?

Inget basa (langsung mukaan SMS dina HP, moal dihapus sigana mah..) tanggal 10 Januari 2008 jam 16.58 nu eusina:

“Mun teu resep kana cara hirup, cara digawé, atawa sagalana, balik wé! Uing mah sanggup sorangan gé…”

Anyaran narima SMS mah nyeri haté kabina-bina. Uing ngan ceurik jeung ceurik. Tapi saenggeus dibulak-balik dipikiran, uing moal ngéléhan kitu waé.

Uing nyaah pisan…sakumaha baluweng pipikiran gé, uing embung papisah.. uing nyaah pisan,…

Lain Uing nu Nulisna

19.34 26/1/2008

Lain euweuh tuliskeuneun, ngan siga masalah budak, lain teu dibere hayang atawa can dibere kasono, ngan tibatan mapaykeun bisi aya nu manggihan, natanyakeun bisi sasab teu apaleun jalan, atawa nyusulan susuganan bisa gancang datang. Uing milih: nungguan. Tibatan jadi pangeusi uteuk bareng jeung katugenah sarta rereged hirup. Uteuk nu ieu mah mending urang asupan source code program, ide-ide jaringan global, atawa idealisme Sunda moderat, kajeun sarua pajurawetna, uing optimis nu kitu bisa jadi ubar, saheulaanan saméméh uing gogorowokan mamaksa hayang ngapimilik budak batur atawa saméméh uing teu hudang tina pangsujudan bakating ku husu ngadua, wungkul.

Sakali deui, lain euweuh tuliskeuneun. Ngan, jeun wé musna, ilang, sagala nu teu ngeunahna. Jeun wé ngandelkeun kainget mun rék ngawawaas sagala kasenanganana. Embung nyatet, embung kacatet, jeung embung aya nu nyatet.

Deui, lain euweuh tuliskeuneun. Da bongan teu jadi eunteung. Siga hard disk nu aya bad sector-an. Upama éta sumber error téh henteu dibeneran, atawa paling henteuna ditandaan, geus tangtu data nu anyar diasupkeun ku urang bakal ruksak jeung ngahasilkeun informasi nu salah. Bad-na bakal nambahan, sistemna sacara umum ogé bakal teu stabil deui. Kagagalan pangaturan dina sistem bakal silih pangaruhan nu antukna: Héng!

Sakali deui waé, lain euweuh tuliskeuneun, lain teu hayang nulis. Tapi uing ogé héng! Ti saprak uing tara nulis, ti basa uing leungiteun kahayang pikeun nulis, ti saprak uing poho naon harti, définisi, mangpaat, jeung kahéngkér nulis, ti mimiti uing teu inget deui yén uing kungsi hayang jadi pangarang, tah ti harita uing héng. Sakali deui: HÉNG!

Lain teu pernah nulis. Ngan uing teu manggih ilham, kumaha cara nuliskeunana dina gurat-gurat hirup nu alus jeung payus, kumaha cara ngarautana deui sangkan atmosfer hirup uing teu goréng patut.

Jeung euweuh nu nyaram uing nulis. Ngan remen uing nyobaan rupa-rupa cara sangkan tulisan uing bisa kabaca ku saréréa, heueuh siga basa uing nulis di hareupeun indung jeung mitoha. lain teu kahaja tapi memang dihaja, da kumaha atuh cara nulis nu matuh, siga bari diuk dina luhur méja atawa bari ngadapang, mah geus teu metu, teu mujarab deui. Ngan énéh-énéh aé, keukeuh maké cara nu teu ilahar ogé kalah ka matak heneg haté. Bété ménékétéhé.

Sanajan lain euweuh tuliskeuneun, lain teu hayang nulis, jeung euweuh nu nyaram uing nulis, wani sumpah nepi ka iraha waé ogé uing mah narah nulis, embung dianggap puitis, jeung geus teu hayang jadi pangarang. Komo kudu nulisan kaca eunteung peupeus mah. Teu sudi pisan! Béjaan bisi uing poho teu kahaja nulis, heug pangmupuskeun.

<nu di luhur: lain uing nu nulisna tapi ririwa>